Mga Pamilihan
DA: Walang pagtaas ng presyo ng itlog at manok sa kabila ng bird flu sa Camarines Norte
Para basahin ang iba pang content ni AviNews September 2024 Philippines
Mga Pamilihan
Para basahin ang iba pang content ni AviNews September 2024 Philippines
MANILA – Tiniyak ng Department of Agriculture (DA) noong Huwebes na walang magiging pagtaas sa presyo ng itlog at manok sa holiday season kahit na may natukoy na kaso ng Highly Pathogenic Avian Influenza (HPAI) H5N2 sa isang duck farm sa Camarines Norte.
Ito ay matapos kumpirmahin ng Bureau of Animal Industry (BAI) ang aktibong kaso sa nasabing lugar noong Disyembre 6, na naging ikalawang lugar na may aktibong kaso ng Avian Influenza kasunod ng Pandi, Bulacan.
“Ayon sa aming pagsusuri, wala kaming nakikitang epekto ng pagkakaroon ng aktibong kaso ng (mga recorded active case ng) Avian Influenza o HPAI sa Talisay, Camarines Norte. Hindi ito magkakaroon ng epekto sa presyo,” pahayag ni DA Assistant Secretary Arnel de Mesa sa isang Zoom interview.
Ayon sa pinakahuling datos noong Disyembre 11, ang presyo ng buo o whole chicken ay naglalaro mula PHP175 kada kilo hanggang PHP240/kg; samantalang ang presyo ng mga maliliit na itlog ay mula PHP7 kada piraso hanggang PHP8.75/pc, PHP7.50/pc hanggang PHP9/pc para sa medium na itlog, at PHP8/pc hanggang PHP9.60/pc para sa large na itlog.
Idinagdag ni De Mesa na ang BAI ay nagsasagawa ng imbestigasyon hinggil sa pinagmulan ng strain na ito, na unang naitala sa bansa.
“Ang karaniwang tumatama ay H5N1. Kung inyong susuriin, ang H5N1 ay mas virulent at mas makalat kumpara dito sa H5N2,” sabi ni De Mesa.
Tiniyak naman ni De Mesa na patuloy ang pagiging mahigpit ng DA-BAI sa pagharap sa lahat ng mga transboundary diseases upang maprotektahan ang industriya ng livestock at poultry sa bansa.
Samantala, ipinatupad ng DA ang pansamantalang pagbabawal sa pag-import ng mga domestikong at wild na ibon, pati na ang mga produkto ng poultry mula sa Netherlands.
Ito ay kasunod ng ulat ng Ministry of Agriculture, Nature and Food Quality ng Netherlands hinggil sa karagdagang outbreak ng AI sa Putten, Gelderland noong Nobyembre 17.
Sa ilalim ng import ban, ang pagpapalabas ng sanitary at phytosanitary import clearances para sa importasyon ng mga domestikong at wild na ibon kabilang ang poultry meat, day-old chicks, itlog, at semilya na ginagamit para sa artificial insemination ay pansamantalang isinuspinde.
Lahat ng imported poultry commodities mula sa Netherlands ay kukumpiskahin maliban na lamang sa mga produktong nasa daan o dumating na sa mga lokal na pantalan matapos ang pagpapalabas ng kautusang ito, pati na ang mga poultry products na pinatay bago o noong Nobyembre 3.
Source: link
